Gemals

C’hoant on eus bet reiñ da Mufmuf, tudenn ar c’hoari, ar galloud fiñval. Loula he deus treset an animasion ha skrivet em eus ar c’hod evit en ober. An dra se ne oa ket ken diaes a se. Biskoaz n’on oa divizet lakaat Mufmuf da fiñval pa on a raktreset kregiñ gant ar c’hoari mañ.

Ar fed fiñval a zo un elfenn simpl a walac’h met gant dilerc’hioù bras : ret eo brasaat ment ar bed, evel just. Ret eo ivez divizout petra a harzo Mufmuf da vont re bell. Ar c’helienn, hag a chomme e kreiz ar skramm tro dro da Mufmuf, a ranko bremañ heuliañ anezhañ pa fiñvo. Ur gudenn all a vez savet gant ar boued : araok e veze debret ar boued gantañ pa oa kouezet war al leur. Bremañ ma c’hell fiñval eo ret testiñ ma vez heñ e kichenn un tamm boued araok e tebriñ, da mirout e tebrfe un tamm boued en tu all d’ar bed ! Ul labour hir eo diskoulmañ tout se.

Pa vez savet kement a kudennoù o ouzhpennañ un elfenn simpl, eo mat en em c’houlenn talvoud an elfenn se. Petra a zigas ? Daoust-hag ez eo pouezus evit ar c’hoari ? Ma’z eo pouezus, daoust-hag ez eus doareoù all, mac’hamatoc’h, da gaout ar memes disoc’h ?

E gwirionezh, sklaerañ tra eo raktresañ mont en dro ar c’hoari da gentañ tout, araok kregiñ gant an tresañ hag ar c’hod. Se zo ar « Game Design », hag seul uhelekoc’h eo ar c’hoari da sevel, seul pelloc’h e rankfemp chom da rakprederiañ ar raktres, memes ma plij gwelloc’h deomp tresañ ha kodiñ…