Abaoe warlene e vez lidet gant al liseidi Gouel ar sapin a-raok ar vakañsoù Nedeleg. Aozet eo bet an abadenn gant ar strollad Babibel (liseidi Termen) hag un nebeut kentaidi. Kinklet eo bet ar sal ganto, krampouez a zo bet fardet hag ur fest-noz a zo bet kinniget: 3 strollad a oa war al leurenn, […]

Aozet e oa bet un nozvezh sinema gant an 2veidi enskrivet en danvez diret Kleweled: choazet e oa bet ganto ar film sevenet gant Boris Loujkine deuet er-maez ar bloaz-mañ: L'Histoire de Souleymane, istor un divroad, e-pad daou zevezh. War-lerc'h an abadenn, eo deuet Thomas Pouteau, ur filmvarnour da gomz diwar-benn istor ar film hag […]

Kroget eo an eilveidi Bak micherel BBTK gant o staj micher kentañ. 15 Merc’hervezh etre ar 6 a viz Du 2024 hag an 12 a viz Meurzh 2025 a yelo d’ober staj kentañ an eilveidi BBTK (skolidi Bak micherel Bugaleaj ha Tud Kozh). Degemeret int e kreizennoù dudi Karaez (galleg ha brezhoneg), Kallag, Kastell-Nevez-ar-Faou ha […]

Kevredigez Joa! a zo bet krouet evit komz e brezhoneg gant ar re yaouank diwar-benn temoù personel: ar jener, ar sekselezh... El lise 'zo bet aozet permanañsoù evit degemer ar re o deus c'hoant da sevel goulennoù d'un doare hiniennel. Un doare da frankaat ar gomz ha da gomz diwar-benn temoù personel, pez n'eo ket […]

Kroget en dro ar raktres a oa bet lakaet e-plas warlene gant Tomaz, kelenner war an istor ha Maïa Baron, liseadez-bet, prezidantez ar gevredigez Karantez Akap Metum. Kinniget'zo bet d'an eilveidi o-doa c'hoant skrivañ lizhiri da dud yaouank e Yaounde e-pad ar bloaz. An dermedini o-doa kemeret perzh er raktres daou vloaz'zo a gendalc'h ivez […]

Al liseidi enskrivet e danvez arbennikaat Huma (Kentañ ha Termen) a zo aet da c'hoariva an Oriant da welet ur pezh-c'hoari savet diwar testenn Bertolt Brecht : Grand-peur et misère du IIIème Reich. Sevenet gant Julie Duclos, ar pezh-c'hoari a gont ar vuhez e-pad ren an nazied. Liammet gant ar program, "Feulster hag Istor", an […]

E-pad ar prantad Kleweled, d'ar Merc'her 04 a viz Kerzu, eo deuet animatourez ar gevredigez CinéPhare, da ginnig un atalier "Foñs gwer". Un displegadenn a zo bet graet da gentañ evit kompren an efed arbennik ha skouerioù a zo bet diskouezet d'al liseidi: L'Homme à la tête en caoutchouc gant George Méliès, Le Voleur de […]

Evit kregiñ brav gant ar bloavezh skol hag ober anaoudegezh zo bet aozet ur veajig 3 devezh e Tremargad gant ar skolidi BBTK. Bet omp o pourmen e Toull goulig. Kejet hon eus gant Riwanon an Habask, renerez an UBAPAR, gant Dorig ar C’hras, peizant ha buhezour e Ti feurm Tremargad, gant François Saliou, maer […]

Adalek an 28 a viz Du, hag e-pad ur sizunvezh, e kinnigo strollad c'hoariva al lise o pez-c'hoari nevez, An Treid mibin, d'ar skolioù divyezhek ha Diwan. Sikouret gant Lomig, an 10 lisead a gemer perzh er raktres o deus roet lañs da istor ur meuriad kentidik, an "Treid mibin" hag a zo distrujet o […]

5vet niverenn Kazetenn Lise Diwan Karaez (KADEK) a zo deuet er-maez. Un dek bennak a liseidi, eilveidi ha kentaidi, en em vod bep Merc'her noz, e-plas ar studi, evit poellgor skridaozañ ar gazetenn. Perak o deus bet c'hoant al liseidi da germer perzh er raktres? Ar blijadur da skrivañ, d'ober enklaskoù ha da sevel ur […]