FabLab - Lise Diwan Karaez

Stal "FabLab" el lise

Kinnig

D’ar merc’her goude merenn (adalek 3e15 betek an noz) e vez kinniget ur stal urzhiataerezh hag elektronek, digor d’al liseidi ha d’ar re all. Labouret e vez enno war raktresoù hinienel pe a stroll evit kompren gwelloc’h ha mestroniañ an teknologiezhioù boutin.

Ma’z oc’h gant ar c’hoant deskiñ ha dedennet gant an teknologiezhioù, gant an arzoù niverel, ma’z oc’h kirius eus mont en dro an traoù, m’ho peus ur raktres meiziant (logiciel) da programmiñ pe elektronek da grouiñ, deuit d’ober un dro er sal 7 (pe sal 2) war eurioù ar prantad !

Dafar

Moulerezh 3D ebet ganeomp evit poent (T_T) met diwezhatoc’h marteze. Piv oar…
Amañ e c’heller kavout :

Kartennoù elektronek a c’heller programmiñ : Arduino (Nano ha Uno), Micro:bit…
Urzhiataerioù hezoug Raspberry Pi
Reseverien (capteurs) a bep seurt : gouloù, liv, tommder, glav, mikrofon…
Kefluskerioù tredan bihan (step motor ha servo motor) : MG 996R ha SG90
Un houarn soudañ ha peg tomm
Un nebeut ostilhoù : troioù biñs, gevel droc’h…

Meziantoù

Implijet e vez meziantoù dieub (free software) ar muiañ posubl ganeomp.

Sistem oberiant Linux (sikour evit e staliañ a c’hellomp kinnig)
Yezh Python3 evit deskiñ programmiñ hag studiañ data niverel
Yezh Processing evit deskiñ programmiñ meiziantoù grafikel ha c’hoarioù simpl
Gimp evit kemm skeudennoù niverel
Inkscape evit ober tresadennoù vektorel
Godot evit sevel c’hoarioù video ha deskiñ programmiñ

Raktresoù ar bloaz mañ

C’hoari Pong

Ur c’hoari Pong savet ganeomp evit deskiñ kodiñ gant Python.

Buzzer

Ur c’hoari Pong savet ganeomp evit deskiñ kodiñ gant Python.

Raktresoù kozh

Ur c’hoari strategiezh

Setu ur raktres hag a vo graet tamm-ha-tamm a-hed a bloaz, ken pinvidik ez eo !

Kroget eo bet ur prototip war paper ganeomp hag a-benn nebeut e vo kroget da kodiñ ar c’hoari war urzhiataer, gant ar yezh Python evel-just !

Kodiñ gant Python ha Processing

Enframmet eo bet ar yezh Python e program ofisiel al liseoù abaoe un nebeut bloavezioù dija met ral a wech e vez tro da implij anezhi er c’hentelioù all c’hoazh.

Amañ e vo desket ganeomp kodiñ e Python en un doare dudius ha plijus !

Boestoù neizh

Gwenaël, kelenner SVD, en eus kinniget sevel boestoù neizh e koad da lakaat tro dro al lise evit degemer pennglaoued ha kalvennigoù glas.

Bloboskop

Resevet eo bet un nebeut bloboù gant Gwenaël evit un taol-arnod SVD : Ar pall a zo ober un « timelaps » eus kresk ur blob a-hed an amzer. Ar memes taol-arnod eget ma vez graet gant Thomas Pesquet war vord an ISS.

Deskiñ kodiñ gant Processing (2021-22)

Processing a ginnig un doare aes da programmiñ gant dañvez grafik, son, data ha krouiñ sistemoù etreoberiant.
Teir « vlaz » a vez kavet gant Processing, hervez ma vez diazezet war ar yezh Java, Javascript pe Python.

Ur c’hoari video gant Godot

A-hed ar bloavezh 2021-22 e vo klasket sevel ur c’hoari video a-stroll gant ar meziant Godot.
Diouzh stil ur « Visual Novel » hag ur « Shoot ’em Up ».

Ur c’harger hezoug dre heol

O sevel ur c’harger hezoug dre implij energiezh dieub an heol emañ Brewen ha Noé.
Kavet hon eus ur panel heol kozh dija (50 Watt). Tost echu on eus sevel ar veol tredan gant kelligoù lithium adimplij (bet kavet e urzhiataerioù hezoug kozh pe e troioù-biñs tredan). Chom a ra deomp da sevel ur sichenn hag a droio war-zu ar gouloù en un doare emgefre (implijet e vo un mikrokontroler Micro:bit evit an dra-se emichañs).

Deskiñ sevel c’hoarioù video

Meur a raktres sevel c’hoarioù video a vez er fablab.
Klasket e vo implij ar meziant Godot pe Construct3 evit o sevel met dieub eo pep hini da zibab e/he ostiloù.

Chañs vat da Jan, Meven, Evan ha Josquin evit deskiñ ar Arz kaer ha teknikel mañ.

Kempenn urzhataerioù kozh al lise

E pad an daou brantad kentañ eo bet kinniget gant Tangi ur stal kempenn urzhiataerioù evit ar re zedennet. Un nebeud liseidi kurius, barrek pe gant ar c’hoant deskiñ hag a youl-vat a zo deuet da sikour adaozañ hag adstaliañ urzhiataerioù kozh al lise. Dibabet eo bet staliañ warno sistemoù oberiant diazezet war Linux kentoc’h eget Windows e keñver an efedusted hag ar surentez. Lakaet e vo lod anezho el levraoueg da vezañ implijet gant an holl.